Plantun de Prouvènço

Pèr coumpara dos planto d'encò nostre

Ranunculus trichophyllus subsp. trichophyllus & Bolboschoenus laticarpus

Ranunculus trichophyllus subsp. trichophyllus

Ranunculaceae

Nom en français : Renoncule à feuilles capillaires.

Descripcioun :
Aquéu ranouncle trachis dins lis aigo morto meme que duro qu'un tèms o un pau courènto, de cop que i'a dins l'aigo sau. Fai qu'uno souleto meno de fueio, de multifido, que fan pas mai de 4 cm. Li pecou soun long de 4 à 6 cm. Se destrìo de la subsp. eradicatus que s'atrovo en mountagno, que fai de racino à tóuti li nous de la planto, ço qu'èi pas lou cas eici.

Usanço :
Coume tóuti li ranouncle, es uno planto empouisounanto.

Port : Erbo
Taio : 10 à 40 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour :
Petalo : 5
Ø (o loungour) enflourejado : 5 à 8 mm
Flourido : Printèms - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à avoust

Liò : Aigo - Aigo morto - Aigo sau
Estànci : Termoumediterran à Mountagnard
Couroulougi : Subrecousmoupoulito
Ref. sc. : Ranunculus trichophyllus subsp. trichophyllus Chaix, 1785

Triangle(-di-làrgi-fru)

Bolboschoenus laticarpus

Cyperaceae

Àutri noum : Liandro, Triangle.

Noms en français : Scirpe à fruits larges, Souchet à fruits larges.

Descripcioun :
Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano qu'es eici mai larjo. Subretout vèn pas dins li relarg mounte i'a de sau au contro dóu marin. Lis espigo soun mai longo eici. Èi pu tihous de faire la diferènci emé Bolboschoenus glaucus ; pèr acò fau regarda la formo de la grano e l'espessour de l'"exocarpus" (pu grando eici). Coumpara emé lou triangle-verdau que ié sèmblo proun.

Usanço :
Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.